تعلمت من الغربه الكثير
تعلمت من الغربة أننا نملك أشياء كثيرة لكننا لا ندرك قيمتها إلا عند فقدانها أو الغياب عنها
تعلمت من الغربة أماكن وأسر وأسماء لم أعرفها يومًا
تعلمت من الغربة أن أكتم ألمي بداخلي وإن كانت ستفضحه عيوني عن جميع الناس
تعلمت من الغربة معنى الصداقة الحقيقة من المزيفة
تعلمت من الغربة كلمات ولهجات لم أعرفها يومًا
تعلمت من الغربه انه لا يوجد وطن اجمل من وطني
تعلمت من الغربه ان تراب الاردن هو اجمل تراب
ضريبة الغربه فقدان الاهل والاحبه وانت بعيد عنهم
احن لوطني واحن لترابه واحن لاصدقائي واحبابي

كل الشكر والتقدير للموضوع الجميل

اشكر لكم جميعا نشاركتي اقلامكم الرائعه

أنا مغتربة صارلي 9 سنين

والصراحة الغربة مرة كتيير كل لحظة بحن لبلدي وبشتائله .. وبتمنى اني أرجع اله ولأهلي

وأكتر الأيام اللي بتخليني أشتاء أكتر هو بفترة العيد لأنه احنا ما عنا ئرايب هون فا العيد بكون
زي اي يوم عادي بئضي مع أهلي وصحابي ..

صحيح اني مبسوطة هون وكتير اللي صحاب مابئصرو
بس هوا الأردن مافي زيو وصعب انك تلائي مكان متل بلدك ...
بس على الائل اللي بهون الئعدة وجود ماما وبابا معي
يعني في ناس الله يعينهم بكونو لحالهم مامعهم حدا من أهلهم .

الحمدلله على كل حال

تحياتي

الغربة والله شي مش سهل انا مع اهلي في جدة مقيمة فيها صارلنا عايشة فيها اكتر من خمسو وعشرين سنة مش سنتين ثلاثة بخلص مدرسي وعالطول على عمان ياااااااي بس اوصل بحس بلدي مش وحدي غريبة وا ليه مواقف في عمان كتيري حلوي بطلع مع اخواني في السيارة وبنطلع من فوق سقف السيارة و اغاني والله عن جد شي غريب بلدي انا فيها كل يوم بطلع انا روحت سوريا وتركيا وكندا بس والله ما انبسطت في مكان قد الاردن
واسفي لاني طولت تقبلوا مروري

الغـــــــــــربة هي غــــــــربة الوطـــــــــن والأهـــــــــــــل ..

انا متغرب من سنة ..واقيم بالسعودية بمدينة جـــــــــدة ... وصعبة جدا الغربة خاصة انك تبعد عن اهلك عن اصحابك عن بيتك عن هواك الي كنت تتنفسه كل يوم في وطنك ...

انا أعمل الآن مشرف طيران جوي بالخطوط التركية ..و زرت جميع انحاء السعودية وتركيا وسوريا بلدي ومصر وايران والهند ..

وضمن رحلاتي .. بحمد الله ميت مرة اني عربي مسلم عايش بالأردن ..

في احدى زياراتي للهند مدينة مومباي ..لما سألوني مين وين انتة ..جاوبتهم اني من الأردن ..

كتير اثار اعاجبهم ..وبؤولوا انهم بتمنوا يزوروا الأردن ..وشهرة الملكة رانية هي مثل شهرة الملكة اليزابيث ..والملك عبد الله معروف عنه انه رجل سياسي اقتصادي ذكي ..وما ننسى الملك حسين الله يرحمه ..

مما اثار فية حبي لوطني اكثر واكثر وخلاني افتخر اني من هذه البلد ..

مشكورين على الموضوع..وتقبلوا ردي

الغربه والاغتراب والتغريب جميعها مفاهيم للبعد عن الوطن
ومن منا لا يحب وطنه !!
انا شخصيا سافرت كثيرا بحكم عملي لعديد من البلدان
ولكن اطولها مده كانت الى الامارات العربيه المتحده
ما بين عامي 1999-2000 وتنقلت في دبي والشارقه وابو ظبي
واذكر موقفين في الغربه يستحيل ان انساهم
الاول في نهايه شهر 12 عام 1999 حيث تكلمت مع الاهل
هاتفيا وكانوا في غايه السعاده لان الدنيا ثلج بعمان
ومحسوبكم كانت عنده الحراره 22
فبذكر اني فقعت من القهر!!
والحادثه الثانيه الي من سابع المستحيلات انساها
وهي مش قصه بل حقيقه حدثت
كنت عند صديق الي في الشارقه ونمت عنده 3 او 4 ايام
وكان عنده محل خلويات في شارع جمال عبد الناصر
وكنت اذهب معه للمحل وكان بالشارع يوجد جزيره وسطيه
ويوجد بالجزيره الوسطيه حشيش وكانو يسقوه كل يوم
يمر صهريج الماء والهندي بالبربيش يرش الحشيش
وفي يوم كان في حادث سير فالصهريج تعدى مكان الحادث
وكمل الرش بعده وثاني يوم الظهر كان الحشيش
الي ما رشوه بسبب الحادث لونه اصفر !!!!
فعندها حسيت الخير الي احنا عايشينه ببلدنا
لانه الحشيش بطلع لحاله بدون رش
وخير يا بلدي خير