مشاهدة النسخة كاملة : مقتطفات للبــــــدر ( بدر بن عبدالمحسن )


قمر حزين
11-18-2014, 08:39 AM
بدر بن عبد المحسن بن عبد العزيز من مواليد مدينة الرياض في _ 2 ابريل عام 1949م و هو الإبن الثاني لصاحب السمو الملكي الأمير عبد المحسن بن عبد العزيز _ رحمه الله _

نشاءالأمير بدر بن عبدالمحسن في بيت علم وأدب حيث كان والده الأمير عبدالمحسن بن عبدالعزيز محباً للعلم والأدب،كما و انه شاعر مبدع ولديه مكتبة ضخمة تضم العديد من الكتب..كماوأن مجلس والده ملئ بالعلماء والأدباء وكبار المفكرين في ذلك الوقت مما كان له الأثر البالغ في حب الأمير بدر للأدب والشعر _ بعد الله

درس مراحله الإبتدائية بين المملكة العربية السعودية و مصر، _ والمتوسطة في مدرسة الملكة فكتوريا في الاسكندرية، ودرس المرحلة الثانوية في المملكة العربية السعودية كما انه درس في بريطانيا و في الولايات المتحدة الأمريكي.

و لقد استفاد من وجوده في بعض هذه البلدان بلقاءاته مع العديد من الرواد والأدباء و المفكرين و عمالقة الفن من أمثال الشاعرأحمد رامي و محمد عبد الوهاب محمد الموجي وكثيرين غيرهم ,,

و في نهاية الستينيات و مطلع السبعينات أصبح سموه رئيسا للجمعية السعودية للثقافة و الفنون حيث اضفى عليها العديد من الأفكار وكان لسموه الأثر الكبير في تطوير هذه الجمعية و الرقي بها.

تناولت قصائدة العديد من المواضيع المختلفة حيث كتب الكثير من القصائد الوطنية الخاصة بالمملكة العربية السعودية و بعض دول الخليج أثناء زياراته لها، كما انه يعد من أكثر الشعراء كتابة في أزمة الخليج تناول في قصائده مواضيع مثل الغزل و الوجدانيات و التأمليات و الرثائيات ...

و من أهم الأعمال التي قام بها سموه قيامه بعمل اوبيريتين لمهرجان الجنادرية عام 1412هـ 1992 م :- الأول هو اوبريت وقفة حق في مهرجان الجنادرية السابع فارس التوحيد في الجنادرية 14- و الثاني هو اوبريت و قد حصل هذا الأوبيريت على جائزة في مهرجان القاهرة للإذاعةوالتلفزيون حيث اختير هذا العمل من ضمن أفضل الأعمال، و تميز الأخير بالمزج بين الدراما و الشعر مما أضفى على العمل رونقا خاصا

و لسموه ثلاثة دواوين هي:
_ ما ينقش العصفور في تمرة العذق..
_ رسالة من بدوي ..
_ لوحة ربما قصيدة ..

قمر حزين
11-18-2014, 08:41 AM
ردي سلامي




حبيبتي...

ردي سلامي للهوى .. عذب السلام ..

وأغلى الأماني وللأمل .. كلمة ملام ..

قولي له إني ما هقيت ...

إني الى نحت وشكيت ..

ترجع ليالينا سوى شوق وغرام ...

سنين .. مرت وما أدري عن الأيام ..

يقولوا تفرق الأحباب ..

وانا أقول القمر ما غاب ..

من أول يوم تواعدنا ..

أثاري الوقت يخدعنا ..

ويبعد عننا الأحلام ..

قولي له إني ما هقيت ...

إني الى نحت وشكيت ..

ترجع ليالينا سوى شوق وغرام ...

حبيبتي يا نظر عيني ..

أشوف الليل ما بيني .. وبينك .. وكل الناس ..

أحس فـ نظرتك معنى ..

ودربٍ كان يجمعنا على الإحساس ..

قولي له إني ما هقيت ...

إني الى نحت وشكيت ..

ترجع ليالينا سوى شوق وغرام ...





بدر بن عبدالمحسن

قمر حزين
11-18-2014, 08:44 AM
ذلني الشوق



ينزع الحر .. للعالي المنيف
عادة الحر .. لطام يعاف
ذلني الشوق يالقاسي اللطيف
ولحظة الوصل .. من صدك تخاف
انا قلبي .. جناحٍ له رفيف
يتبع الشمس في الريح الصلاف
للوعد جيت من لون الخريف
وللوعد جيت من طعم الجفاف
ومر في ساعتي وقت ونزيف
ومر في خاطري حزن وزفاف
آه وينك انا مثلك كفيف
وليه قمراك تطلع ما تشاف





بدر بن عبدالمحسن

قمر حزين
11-18-2014, 08:46 AM
قصة حب




فـ كل قصة حب أحلام ومدينة ..

ليل ونخيل وهبوب ..

لكل قصة حب لو كانت حزينه ..

أجمل ألوان الغروب ..

ناظري ضيّ الحوانيت القديمه ..

ونقش أبواب البيوت ..

كلها شعر ومواعيدٍ قديمه ..

وصوت قلبـي اللي يموت .. وما يموت ..

لكل قصة حب .. عذال وحسود ..

ليه تخدعنا الأماني .. والليالي السود .. سود

إشعلي جمر العناد .. قربـي معاد أشوفك ..

لا يفرقنا السواد ..

ارسمي وجهي بكفوفك ..

ولا تجرّحنا عيون الليل .. وحروف النميمه

ولا يعذبنا السكوت ..

إن عطشنا أو شربنا الدمع ديمه ..

للهوى بنحيا ونموت ..

لكل قصة حب أشواك وورود ..

وليه نصرخ من ألمها .. وكلها تنبت في عود ..

ناظري هذا قمرنا لو تغطيه الغيوم ..

وناظري هذا شجرنا مهما تحرقه السموم ..

ولو تجرّحنا عيون الليل وحروف النميمه ..

ولو يعذّبنا السكوت ..

إن عطشنا أو شربنا الدمع ديمه ..

للهوى بنحيا ونموت ..



بدر بن عبدالمحسن

قمر حزين
11-18-2014, 08:49 AM
الجريده



الجريده ..

ادري وش سر الجريده

به أحد .. يقطع وريده ..

وينزف أخبارٍ جديده ..

وحنا نقراها الصباح ..

دنيا مكتوبه فـ ورق .. دنيا من دم .. وعرق ..

دنيا مجنونه ارق .. وهم ..

انسرق .. إحترق .. المهم

كلها أخبارٍ سعيده

وحنا نقرلها الصباح ..

لو طبعنا .. صفحة ما فيها خبر ..

لا حروف .. ولا صور

صفحة يملاها البياض ..

صفحة تملانا بياض .. ما يعكرها الحبر ..

كان ذي الصفحة الوحيدة

اللي اقراها الصباح .. في الجريدة




بدر بن عبدالمحسن

قمر حزين
11-18-2014, 08:52 AM
ناي



في الشارع .. عتمه ونور ..

زحمه .. واشارات المرور ..

تاقف على انفاس الطريق ..

مشيت أنا .. وهمي العتيق ..

وقبل التعب .. مايهدني..

سمعت صوتٍ شدني ..

ناي .. في صوتها ناي ..

غني وجرحني الشجن ..

دقات قلبي .. وقفت..

وخطاي

قالت وش الوقت ...

ناظرت ليل اعيونها ...

وصبح الجبين ..

ومرت ثواني صمت ...

وقلت الزمان .. انتى..

وكوني اللي تبين ...

من يومها ماعاد اناظر ساعتي ..

وش حاجتي .. أعد الزمان ..

وهى الزمان الجاي ...



بدر بن عبدالمحسن

قمر حزين
11-18-2014, 10:35 AM
أرفض .. المسافة والسور .. والباب والحارس ..

آه أنا الجالس ورى ظهر النهار .. ينفض أغبار .. ذكرى

أرفض .. يكون الإنتظار .. بكرا

أبسقي ..عطش قلبي اليابس..

على اشفاهي .. بقول أحبك ..

أرفض إني أموت في قلبك

مادرى بموتي أحد .. حتى أنا

أرفض الصورة .. على الرف البعيد

وجهك المحبوس في ورق وحديد

أرفض احساس الحبر وجرح سكين السطر ..

أرفض الليل ..الحصار حبنا خلف الجدار

مثل البكا .. حبيبتي تحتاجني ..تحت الظلام ..

ومثل الفرح .. حبيبتي أحتاجها .. وسط الزحام

الحب علمها السكوت ..

والحب علمني الكلام ..

أرفض الصمت .. الحوار بيننا .. خلف الجدار..

أبسقي عطش قلبي اليابس ..

على شفاهي .. بقول أحبك ..

أرفض إني أموت .. أموت في قلبك

مادري بموتي أحد .. حتى أنا





https://fbcdn-sphotos-b-a.akamaihd.net/hphotos-ak-xaf1/v/t1.0-9/10392389_958978330798221_1967512759 786761970_n.jpg?oh=81c705c76d333764 90c4d8f27bd0bee7&oe=55144FDD&__gda__=1427248748_e22a80cf64de6d7b 40b0e4a0b24269a4

قمر حزين
11-18-2014, 10:52 AM
لك الله يا العاشق المحروم
كل القصايد ليل .. و كل المعاني نجوم ..

و اللي يحب بصدق .. تنزف جروحه صدق
مابه قصيدة عشق
لا معنى .. لا صورة .. بتوصف لشعوره
و اصبر على المقسوم .. يا العاشق المحروم ..
لك الله .. يا العاشق المحروم ..

يا عازف الأوتار .. داوينا بالأشعار
قل لي قصيدة عشق .. فيها المطر و النار
و أنا عليل الروح .. كثر الورق مجروح ..

يا عيونها و الليل .. حبر و قصيد و شمع
و أجمل معاني الشوق .. حرفٍ كتبه الدمع
يا أهل الهوى يا ليت .. كل القصايد بيت
و كل المعاني بيت ..

و اللي يحب بصدق .. تنزف جروحه صدق
مابه قصيدة عشق
لا معنى .. لا صورة .. بتوصف لشعوره
و اصبر على المقسوم .. يا العاشق المحروم ..
لك الله .. يا العاشق المحروم .

حيرة نبض
11-18-2014, 11:42 AM
طرح عذب قمر
لن اطيل الحديث عن الأمير ابو خالد
سأبدأ بالمشاركه

زمان الصمت

وتِرحَل..
صَرخَتي تِذبَل
في وادي.. لا صدى يوصل
ولا باقي أنين
زمان الصمت..
يا عُمر الحُزن والشكوى
يا خطوة ما غدت تقوى
على الخطوة.. على هم السنين
حبيبي.. كتبت اسمك على صوتي
كتبته.. في جدار الوقت
على لون السما الهادي
على الوادي..
على موتي.. وميلادي
حبيبي.. لو أيادي الصمت
خذتني.. لو ملتني ليل
أنا عمري.. انتظاري لك
لا تحرمني.. حياتي لك

حيرة نبض
11-18-2014, 11:43 AM
عطني المحبة

عطني المحبة..
كل المحبة.. عطني الحياه..
عطني وجودي..
ابغى وجودي.. أعرف مداه
املا شعوري.. بالحب مره
ابغى هواكم.. حلوه ومره
وأغلى الأماني.. عاشت في غربه
ياعمر ثاني.. عطني المحبه

عطني في ليل الياس شمعه..
وبسمة نهار..
عطني في ضياع العمر دمعه..
وسكة ودار..
واعطيك أمل في الحب غالي..
يصعب على غدر الليالي..
وأغلى الأماني.. عاشت في غربه
يا عمر ثاني.. عطني المحبه

حيرة نبض
11-18-2014, 11:45 AM
اربع ليال

من اربع ليال ...
طيقك وقف ...
ما بين الرمش ... والرمش ...
ما غمضت لي عين ...
يا ابن الحلال ...
اما استرح ... والا امش ...
من أربع لال ... في مجلسي منك خيال ...
وفوق الجرايد والكتب ... اسمك حروفه تنكتب ...
يا ابن الحلال ...
اما استرح ... والا امش ...
من اربع ليال ... هبت من ديارك شمال ...
بريح الخزامى ... والنفل ...
أنا الظما ... انتي الأمل ...
داري لها عامين ... ما ربعت ...
وما غمضت لي عين ...

حيرة نبض
11-18-2014, 11:55 AM
الا الهوى



ابعتذر ... عن كل شيء ...
إلا الهوى .. ما للهوى عندي عذر ..
ابعتذر .. عن أي شي ..
إلا الجراح .. ما للجراح إلا الصبر ..
إن ضايقك اني على بابك أمرّ ...
ليلة ألم ... واني على دربك مشيت عمري وأنا
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
ا تصدقي ... ما اخترت أنا أحبك ...
ما احدٍ يحب اللي يبي ...
سكنتي جروحي غصب ...
ياحبي المرّ ... العذب ...
ليت الهوى وانتي ... كذب ...
كان اعتذر لك عن هواي ...
ما أقول أنا ... كوني معاي ...
ان ضايقك اني على بابك أمرّ ...
ليلة ألم ...
واني على دربك مشيت عمري وأنا ...
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
الله كريم .. حبك ... يكون ...
همي القديم ...
وجرحي القديم ...
والله عليم ... يا أحلى العيون ...
ان الفراق ... جزا الفراق ...
ابوعدك ... كان الطريق بيبعدك ...
بامشي الطريق ...
وكان الجحود بيسعدك ...
مالي رفيق ...
ابجمع أوراق السنين ... وأودعك ...
كان الفراق اللي تبين ... الله معك ...

قمر حزين
11-18-2014, 02:01 PM
حيرة نبض

شكرا لمشاركتكِ متصفحي
وشكرا لجميل ما قدمتي هنا

لكِ التقدير والأحترام

قمر حزين
11-18-2014, 02:03 PM
نبي .. نطفي قمرنا ..

لو يعذبنا السهر .. والخوف ..

نبي ننثر قهرنا .. يا حبايبنا ..

على مد النظر .. والشوف ..

نبي ننزع من أعماق الحشا سكين ..

نبي ننزف حنان العاشق المسكين ..

ونجرح في سواد العين .. صورنا ..

ونبي نطفي قمرنا ..

سامحينا يالمحبة .. لو جرحنا وانجرحنا ..

سامحينا لو نسينا .. في الهوى ضحكة فرحنا ..

وآه يالنصل الحرير ..

ياهوى القلب الضرير..

يالجروح اللي مضت .. واللي بتصير ..




https://fbcdn-sphotos-b-a.akamaihd.net/hphotos-ak-xap1/v/t1.0-9/10649991_953024118060309_7152685348 972132953_n.png?oh=63f5688024f397f9 bb28be1b0ba24edb&oe=54DFBE45&__gda__=1424363673_943249602279ebcd 19fec4924ebcec86

قمر حزين
11-19-2014, 09:04 AM
شكرا على الحب , على الشوق
شكرا على ضي القمر فوق
شكرا على عيوني الي تشوفك
و على شتا صمتي و دفا حروفك
شكرا على الايام , و السهد والاحلام
و على حبيبي يا حبيبي

شكرا على الليل و الضي من شمعي
و ما محت كفك و ما كتب دمعي
و ما تلمس ايديني من النجوم و الغيم
و ما بينك و بيني من العشق و الديم
شكرا على التنهيد , و الهجر و المواعيد
و على حبيبي يا حبيبي

شكرا على الورد في كل اعيادي
و على الدفا و البرد من يوم ميلادي
و ما شفت فعيونك من الخجل و الهمس
و اللي بيجي باكر و الي عشقته امس
شكرا على الاحساس , و حب الوطن و الناس
و على حبيبي يا حبيبي



بدر بن عبدالمحسن

قمر حزين
11-19-2014, 09:10 AM
https://fbcdn-sphotos-g-a.akamaihd.net/hphotos-ak-xap1/v/t1.0-9/1620847_942062959156425_59345868893 8142688_n.jpg?oh=a7746919fc321d05ff edb78c2692d6a2&oe=54DEB842&__gda__=1428176063_ec348fac46979e70 88ec6b764bbb64a5




سيدي قم...
ما خبرت اللي يحب يشتهي النوم
سيدي قم...
لاتنام وفي السماء باقي نجوم
يا جريح البارحه
كيف طبت اليوم
سيدي .. يا سيدي قم

سيدي ...الليل للعاشق نهار
قم معي ... نجمع نجوم الظلام
سيدي ... لو عرفت الانتظار
ما غفا لك جفن .. .يا عذب الكلام
اه لو تدري الهوى والسهر مقسوم
يا جريح البارحه
كيف طبت اليوم
سيدي .. يا سيدي قم

سيدي ... لا تناظرني بغضب
ودي تحس مثلي بالغرام
سيدي ... ما وراك الاالتعب
ليت عيني مثل عينك تنام
اه لو تدري الهوى والسهر مقسوم
ويا جريح البارحة كيف طبت اليوم
سيدي .... يا سيدي قم


البدر

قمر حزين
11-23-2014, 10:31 AM
فـ عيني تغيب الشمس .. وتشرق فـ عيني
في ناظري للشمس .. موتٍ وميلاد

لليل في دمعي سنا .. نجمتين
وللصبح في جفني شفق هم وسهاد

كن السهر دربٍ عليه ابـ تجين
ولا ودي أقطع درب لاماك برقاد

ياللي جميع الناس بينك وبيني
وكل لحظة أنا نتظر منك ميعاد

عذري لياسي منك .. إنك تبيني
خنت الرجا.. وان صنت لي عهد ووداد

ولمصافحك ربي خلق لي يميني
أمدها لك وصل وأمدها بعاد

الـ بسمتك ترخص غوالي سنيني
جرحي يهون ووجاير الشوق يزداد

أنسى عذاب العمر و ما أنسى حنيني
تبلى ليالي العمر وجروحك جداد





بدر بن عبدالمحسن







https://scontent-a-fra.xx.fbcdn.net/hphotos-xpa1/v/t1.0-9/10171752_961302237232497_2032151219 194653964_n.jpg?oh=c080995197c1cae5 9fc3505224ba43e3&oe=5516591C

قمر حزين
11-23-2014, 10:34 AM
مرتني الدنيا .. بتسأل عن خبر .. مابه جديد ..
عشاق ليلة تفارقوا ..
وصاروا بعيد ..

لا طاحت نجوم السما .. ولا تاه في الظلما قمر ..
لا تاقف الدنيا .. وتسأل عن خبر .. مابه جديد ..

اسهل من الكذبة .. على شف الطفل ..
فرقى الأحبه يا هوى ..
أحلى من الحلم اللي ودي لو كمل ..
كانت ليالينا سوى ..

لا تاقف الدنيا .. على أول طريق ..
فرقى الأحبه يا هوى ..
لا تسأل جروحي متى خان الرفيق ..
عهد المحبه والهوى

لا طاحت نجوم السما .. ولا تاه في الظلما قمر ..
لا تاقف الدنيا وتسأل عن خبر .. مابه جديد ..



بدر بن عبدالمحسن








https://fbcdn-sphotos-e-a.akamaihd.net/hphotos-ak-xap1/v/t1.0-9/10624868_962500893779298_3263699616 141169039_n.png?oh=75abfac4c4604acf 84ee4e3090907210&oe=551DEA3A&__gda__=1427810790_3602e6f0d4cf5898 1ca3778c62d653c3

قمر حزين
11-24-2014, 04:10 PM
يا اجمل الحزن .. لدموعك سلام
من حبيبٍ ... بقى منه الكلام

وين انا منك .. غربني الزمان
وخانني النور ... وابعدني الظلام

لو بعزيك ... سالت دمعتي
تدري الدمع في حبك ... حرام

لو بواسيك ... مايكفي الهوى
ولو أبي ... عذر مايكفي الغرام

أعطنى من عذابك يا البعيد
صرخةٍ ... تجعل ظلوعي حطام

آه ...لو في يدي أبكي معاك
قطرةٍ مادرى عنها الغمام

ماابخل الوقت ... يحرمني البكا
وانت لجلك حرمني الإبتسام

يا اطهر الحزن ... لو كان القصيد
يكشف الغم عن بدر التمام

لكتب الشمس شعرٍ في سناك
وامحي إمن السما...عج وكتام

ياعسي البدر نوره مايغيب
عن حبيبٍ بقي منه الكلام





https://scontent-a-fra.xx.fbcdn.net/hphotos-xfa1/v/t1.0-9/10711012_943812022314852_6862633255 243470559_n.png?oh=275f38a4be7b8a3f e2d09964e8bdd172&oe=551D714D

قمر حزين
11-24-2014, 04:11 PM
https://fbcdn-sphotos-h-a.akamaihd.net/hphotos-ak-xap1/v/t1.0-9/10659381_936785503017504_6703477345 86106786_n.png?oh=7fb0785ab7c4c7511 48ddd33e7536700&oe=54DBB95B&__gda__=1423584018_910e070561654857 7f31766bf1884270





لا تجرحيني .. جرحك العام ما طاب
داوي بحنانك ما مضى .. واجرحيني

ياللي حنانك نظرة بين الأهداب
ردي علي بعض العزا .. ناظريني

خافي على قلبٍ يحبك إلى ذاب
ذاب الهوى في خفقته .. والحنيني

لولاك ما زار القمر ليل الأحباب
ولا لوحت شمس المحبه جبيني

ولولاك .. ما يلفي على الدّار غياب
ولا تبكي اللي فارق الدار عيني

في غيبتك كل الملا عندي اغراب
ما أحدٍ أبي قربه .. ولا أحدٍ يبيني

لا ياغلا كل القرابه والأصحاب
ضاع العدل في الناس لو تظلميني

قمر حزين
11-24-2014, 04:14 PM
عذبيه.. إسعديه..
داوي قلبي واجرحيه ..
واللي ما مثله ابد .. مثلي ما حبك احد
ولو رضي قلبي بغيرك .. ما أبيه .. ما أبيه

تملكيني لوبـ غيتي .. تملكيني لو رفضتي
تسحريني لو حكيتي .. تسحريني لو سكتي
أنا نجمه في مدارك ..
ضي عيني من نهارك ..
وانتي قلبي واللي فيه
لو رضي قلبي بغيرك ما أبيه..

انتي اغلى من هجرني .. وانتي اجمل من يغيب ..
والله لو بعدك قهرني .. ما أبي غيرك حبيب ..
سافري والقلب دارك ..
راضي بـ ثلجك ونارك ..
حبي قلبي واكرهيه ..
لو رضي قلبي بغيرك.. ما أبيه

أنا أحبك لا تخافي .. الا قلبك لو هواني ..
هذا ضعفي واعترافي .. بس ما ارضى هواني ..
ابعدي هذا قرارك ...
ماني سجنك أو حصارك ...
روحي سوِّى اللي تبيه ...
لو رضي قلبي بغيرك .. ما أبيه
واللي ما مثله أبد .. مثلي ماحبك احد




https://scontent-a-fra.xx.fbcdn.net/hphotos-xap1/v/t1.0-9/p526x296/10408621_932848383411216_7446810008 702583016_n.jpg?oh=998135e8f8edb5a1 7d9aed3744353c82&oe=54D838FC

قمر حزين
11-25-2014, 03:45 PM
تَذكرِينْ !!

الوصَايآ.. وَالوعُود ..
وَحلفْ اليَمينْ !
مآ نتفآرقْ
وانْ تَفآرقنَآ :
إمآ أجِي , والآ تجِينْ !

تذكرِينْ !!

تَذكرِينْ الوَدآع !!
الليْ وَصفتِيه بِـ ' ضَيآع '
وَ طآرِيْ الفَرقآ
اللِي كِنتيْ .. تكرِهينْ !

يَـ عزّتيْ لَه !
هَذا هُو بِـ كلّ حَيله
يَصرخّ وآنتِي , ولآ تَسمعِينْ !

كنتْ آسولِف لِك .. وكنتِي تَخجلِين ..
يَوم اشّر لكْ علىَ صدرٍيْ ..
وآقُول :
منْ هُو هِنآ !!
مَن هُو هِنآ !!

كنتْ انآظِر فِيْ عُيونك ..
ومنْ خَجلك .. تَغمضِينْ !

وَ هذِيْ اللّيلهَ آسولِف لِـ الغيآبّ
كآنتْ هِنآ ..
كآنتْ هِنآ ..
كآنتْ هِنآ ..

ولِـ الأسَفْ ...
مآتسمعين !!





بدر بن عبدالمحسن




https://scontent-b-fra.xx.fbcdn.net/hphotos-xfp1/v/t1.0-9/10678699_926188260743895_8353234833 879104108_n.jpg?oh=01234c29988f3c77 139348b6765fd13e&oe=54D3905A

حيرة نبض
11-27-2014, 03:08 AM
http://im62.gulfup.com/MKLfez.jpeg

حيرة نبض
11-27-2014, 03:14 AM
http://im48.gulfup.com/tsGBd3.jpeg

حيرة نبض
11-27-2014, 03:18 AM
قلت المطر قالت من اليوم ديمه
ما به رعد لا برق ما غير هتان

عشق جمع ما بين قاع وغيمه
فيض على صدر الثرى دمع الأمزان

همس النديم اللي يعاتب ند يمه
صوت المطر كنه تعاتيب خلان


وتبسمت لا جل الليالي القد يمه
وقالت تذ كر قلت يابنت نسيان

نقض الجروح اللي تشافت ظليمه
ما عاد به وصل ولا عاد هجران

وما للرجا في بعض الأحوال قيمه
ومال العمى صبح ولو بات سهران

لو للزمن عن نية الغد ر شيمه
ما فرق أحباب ولا بعد أوطان

كل خصيم .. وذاق لوعة خصيمه
واللي خصيم الوقت يا بنت خسران

حيرة نبض
11-27-2014, 03:22 AM
اسقني حب .. أو إسقني فرقا
إن صبرت الشقا .. أو هجرت أشقى ..
العمر يمضي .. والجروح تبقى ..
اختر الحل الصعب .. يا تفارق يا تحب ..

لا تردد في غرامي .. ابتسامي دمع ..
وسكوتي كلامي ..
افتح يدينك .. لـ شمسي ولـ هبوبي ..
كحل عيونك .. بدمعي وبـ شحوبي
واعشق الهم اللي فيني ..

هذا إن كانك تبيني ..
اختر الحل الصعب .. يا تفارق يا تحب ..

لا تحدد لي مراحل .. يا تجيني حب ..
يا تودعني راحل ..
هذي ورده للهوى .. وهذي جروحك
عطني روحي سيدي .. أو خذها روحك
وش بقى ضاعت سنيني .. يا بعد قلبي وعيني ..
اختر الحل الصعب .. يا تفارق يا تحب ..

حيرة نبض
11-27-2014, 03:26 AM
ظماي انت .. ... ومن يعشق ضماه...........غيري
...................جروحي انت .. ومن يكره دواه ’
اسقني لو ما ارتويت ........ داوني لو
...............ما شكيت]|
...............ماهقيت اني اعطش في حياتي لغيرك ..........انت !
...مادريت ان مابه أغلى منك الا انت
ما تصور ان عيني مره تغفى وما ...........اشوفك؛

.............ما تصور لو يطول الصمت ما اسمع حروفك ,
تدري احساسي بخوفي هو..............أماني
.............لما تسأل عني ليله عن................. مكاني
ما تصور كيف تحرقني ................الثواني
شمعه في ليل انتظارك..!
.......ياللي يسبقني زماني من عطش ..........ليلي ونهاري!
عطنيموعد وانسى .............موعد
بس لا..................تهجر وتبعد
.....يا ظما قلبي لقلبي وغربة عيوني عن .............عيوني
.......وينك انت
ياترى الليله في .........صدري
لا !
.........في جفني
لا !
...........في الشعور اللي خطفني
اه ... .......لو تدري...........بشوقي
......آه يا ظما الدنيا.........بعروقي
http://www.a7tajk.com/vb/images/icons/13.gifhttp://www.a7tajk.com/vb/images/icons/13.gifhttp://www.a7tajk.com/vb/images/icons/13.gif

قمر حزين
11-30-2014, 03:17 PM
كل شيئ .. دايم في وقته .. ليه؟؟
كل شي .. حنا نحبه ..
صعب نستعجل عليه ..
طيب .. ليه؟؟
يا ترى انتظار الشيء ..
هو سفرٍ اليه

احملي اللحظه حجر ..
وطوحيها في المدى ..
تصبح الساعة .. دقيقه
غيري الزمن الحقيقه
طلعيني من الصور ..
من الخطوط .. الحزينه
اطلقيني من الشطوط
ومن مجاديف السفينه
اجمعي الصوت .. الصدى
احملي اللحظة حجر ..
وطوحيها في المدى

كل شي دايم في وقته .. عجيب ..
وكل شي حنا نحبه
كثر ما يظهر يغيب
يا ترى .. منهو البعيد .. منهو القريب

ما لنا وقت .. وقتنا دايم يجي
الزمان اللي يروح ..
وان سألتيني أحبك ..
كثر ما تشفى الجروح ..
اشطبيني الف ذكرى .. واكتبي ..
اللي يتذكر .. غبي
واللي ما ينسى غبي
ودي اشوفك .. باقي لحظه
هذا كل اللي أبي ..




بدر بن عبدالمحسن





https://scontent-b-ams.xx.fbcdn.net/hphotos-xpa1/v/t1.0-9/10477894_967515039944550_4889079920 772036879_n.jpg?oh=3d4e955a9b3ba6cc c918c805bba71f28&oe=550EDD92

قمر حزين
11-30-2014, 03:19 PM
لا إنتِ وردة .. ولا قلبي مزهرية من خزف

صدفه وحده جمعتنّا .. شوفي وشلون الصدف

التقينا في مدينه .. وفرقتنا الف ميناء

اغفري للريح .. والموج .. والسفينة

كانت الرحلة حزينة .. للاسف

كنت أحلم لما ناديتك بسافر

مع عيونك في شعاع الفجر باكر

والله اعلم إني صادق

كنت أحلم إني عاشق

لاأخاف ولا أضيع .. ولاأفارق

ويش اقول غير إني آسف ويش اقول

انا خانتني العواصف والفصول

آه .. ياتعب المسافر

في أراضي الجرح و في بحر المحاجر

مالهذا الحزن آخر .. او لهذا الجرح آخر

ياشمسي الأخيرة .. في اللحظة الأخيرة

أنا .. لي كلمة أخيرة

إغفري لي إبتسامي .. قبل جرحي

حاولي تنسي كلامي .. قبل صمتي

ولو زعلتي .. ياأعز الناس إنتِ



بدر بن عبد المحسن




https://fbcdn-sphotos-h-a.akamaihd.net/hphotos-ak-xap1/v/t1.0-9/10427330_966264343402953_3561476321 069015507_n.jpg?oh=7a6d6d28c10ac615 08c3c9d9888a516a&oe=55145114&__gda__=1427380424_56d9ffe9a34cb3b5 82b2423ce063650b

قمر حزين
11-30-2014, 03:28 PM
اتصفحـك
أقرا تفاصيلي معك
واجمعك

في فصلي الأول : قريب
في فصلي الثاني : حبيب
في فصلي الثالث : أنا
في آخر فصولي : غريب

واتشربك
لين القى نفسي : اشبهك
فيني من اوصافك كثير
بس تختلف بـ انك : كذا ؟
في فهرسة فصلي الأخير

وانا هنا .. نصفي : ركام
والنصف الآخر .. مزدحم
بعض البشر حاله تمام
وبعض الأوادم : تنرحـم




بدر بن عبدالمحسن









https://scontent-b-ams.xx.fbcdn.net/hphotos-xpa1/v/t1.0-9/10369863_965003440195710_9176497662 89926035_n.jpg?oh=d2071d7fde60de89e bd31de79ae88875&oe=54D25361

قمر حزين
12-06-2014, 12:31 PM
((انتي حلم ))


انتظرتك .. عمري كله .. وانتي حلم
ومرت الايام والله .. وانتي حلم..
ليه تأخرتي علي ..
توهي مره واسالي ..
كوني في غير الزمان .. والا في غير المكان
كوني عمري .. عمري كله..
اللي باقي .. واللي كان..
انتظرتك عمري كله .. وانتي حلم ..
كل نجمه شعشعت والقلب عتمه .. كانت انتي ..
كل حرفٍ حرك شفاهي بكلمه .. عنك انتي ..
وكل حبي اللي مضى والحب قسمه .. منك انتي ..
كانوا الاحباب ظلك .. بعض احساسك ونورك ..
ما عرفتك يوم كلك .. ياللي في غيابك حضورك ..
انتظرتك عمري كله .. وانتي حلم ..
هذا إنتي .. قولي والله إنه إنتي ..
وين غبتي ؟! .. عني هذا الوقت كله ..
وين كنتي ؟! ..
شيبت عيني طيوفك .. وما أصدق إني أشوفك ..
ياللي قلبي في كفوفك .. نقش حنا ..
وفي جديلك عطر ورد ..
آتمنى .. لو تكوني في فراغ اعيوني وعنى
وفي سموم ضلوعي برد ..
ليه تأخرتي علي ..
وما طرى لك تسألي ..
ليه تأخرتي علي .. وما طرى لك تسألي ..
إنتظرتك عمري كله عمري كله .. وانتي حلم







بدر بن عبدالمحسن

حيرة نبض
12-10-2014, 04:24 AM
http://t0.gstatic.com/images?q=tbn:ANd9GcQiAEeiY8SS_OMjnF 3AfxJMTc48azlb9w7C8IWXe6hGFxuvLehh

حيرة نبض
12-10-2014, 04:25 AM
http://www.m5zn.com/uploads/2011/1/6/photo/0106111001583deuda4vezb2te0.jpg

حيرة نبض
12-10-2014, 04:25 AM
http://i.ytimg.com/vi/XTerWTtdz3Y/hqdefault.jpg

حيرة نبض
12-10-2014, 04:26 AM
http://t2.gstatic.com/images?q=tbn:ANd9GcQa6YJR5sK-3YWZXWcAUWW0rqbgspmNWO2n6lO1nvDatac nz8jp

قمر حزين
12-10-2014, 02:58 PM
التفت ...
وتوها ... توها ما اختفت ...
ماكساها الليل ... باللون الحزين ...
التفت ... وتعالت صرخته ...
في نظرته ...
صاح ... لكن بالنظر ...
وانكسر .... شوفه عثر ...
حسايف .. تذبل الضحكه وهى بين الشفايف ..
تذبل الفرحه وتضيع ...
ويصبح الكون الوسيع ...
مايكفي خطوتين .. لاكساه الليل بااللون الحزين ..
يوم مدلها يده ..
كانت الرجفه لقا ..
ودعت فيها الشقا ..
وتركت بين الاصابع ..
عطــرهــا ..
وعمرها ... ما جت على وقت الوعد ...
إلا ذاك اليوم ...
و عمرها ... ما بكت .. و ما ضحكت ...
ما حكت له .. واسكتت
مثل ذاك اليوم ...
كانت أجمل من خياله ... كانت انضر ...
كانت أكثر ... من أماني عمره الظامي حنين ..
و اختفت ... من كساها الليل باللون الحزين
اختفت في الطريق اللي معه ...
كانت تجيه ...
كيف دربٍ جمعه معها ... خذاه ...
ليتها اختارت سواه ...
تزرع القرقا لياليها ... عليه ...
وحسايف ...


بدر بن عبدالمحسن




https://fbcdn-sphotos-g-a.akamaihd.net/hphotos-ak-xaf1/v/t1.0-9/10624800_971918306170890_7464541888 644404512_n.png?oh=ec830f51f450b4c1 82086d1f46560441&oe=5512E872&__gda__=1426632643_6d6c0256af69911c ab01aa84212af505

قمر حزين
12-10-2014, 02:59 PM
صحيح ان السحاب انتي ..

واعشاب الربيع انتي ..

وأجمل من على هذا التراب .. انتي

وفـ عز الليل لو بنتي يطير الصبح ..

من كف الربى عصفور ..

ولكن الليالي تدور ..

كفاك .. غرور

سقاني صوتك البارح .. مرار الحزن والترحال

صحيح ان البحر مالح .. ولكن العطش قتال

سألتك يا ظماي .. أمطار

سألتك عن هواي .. أخبار

سألتك كلمتين أعذار .. ولكن ما تعذرتي ..

وحقك لو تكبرتي ..

انا جرح .. وحنين وهمس

وقلبٍ ينبض بصدري ..

ولا ادري من حبيبي .. الشمس

ولا ودي بعد ادري ..

يكفيني دفى انسان ..

يشاركني فرح واحزان ..

ونورك فـ السما لو بان .. أشوفه مثل كل الناس

وأحسه .. مثل كل الناس




بدر بن عبدالمحسن










https://scontent-a-ams.xx.fbcdn.net/hphotos-xaf1/v/t1.0-9/1911995_973223466040374_82741450999 32314636_n.jpg?oh=a222db418e5c1b749 819257581b4ba10&oe=54FA10E4

*peak*
01-19-2015, 02:12 PM
طرح راااااااااائع

فعلاااا قصائد وروائع صاغها الشاعر بدر عبدالمحسن

شكرا عالطرح المميز دائما السيد ((قمر حزين))

قمر حزين
05-02-2015, 01:50 PM
https://fbcdn-sphotos-g-a.akamaihd.net/hphotos-ak-xap1/v/t1.0-9/972281_592409720793325_2097130707_n .jpg?oh=cefae68906d6d7254266fd5755d 38a7b&oe=55E62E0A&__gda__=1439105417_71a038de59dadaca 3cbb8f3cb2feb4b2

حيرة نبض
08-29-2015, 02:55 AM
ا تصدقي ... ما اخترت أنا أحبك ...
ما احدٍ يحب اللي يبي ...
سكنتي جروحي غصب ...
ياحبي المرّ ... العذب ...
ليت الهوى وانتي ... كذب ...
كان اعتذر لك عن هواي ...
ما أقول أنا ... كوني معاي ...
ان ضايقك اني على بابك أمرّ ...
ليلة ألم ...
واني على دربك مشيت عمري وأنا ...
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
الله كريم .. حبك ... يكون ...
همي القديم ...
وجرحي القديم ...
والله عليم ... يا أحلى العيون ...
ان الفراق ... جزا الفراق ...
ابوعدك ... كان الطريق بيبعدك ...
بامشي الطريق ...
وكان الجحود بيسعدك ...
مالي رفيق ...
ابجمع أوراق السنين ... وأودعك ...
كان الفراق اللي تبين ... الله معك ..