مشاهدة النسخة كاملة : تعالو ندردش شوي عن منتدانا


حيرة نبض
12-05-2014, 02:48 AM
http://up.3dlat.com/uploads/13500577041.gif

تعالو ندردش شوي عن منتدانا بدون زعل ولا أخد مواقف من بعض:36:
موضوعي من واقعنا
الخمول وغياب الاعضاء شو سببو؟


بالبدايه.....تعالو نتعرف ع معنى كلمة منتدى

المنتدى :

هو بيتك الثاني <3وفيه اصدقائك واخوانك بشاركوك المعرفة :65:وبزعلو لزعلك :33:ويفرحو لفرحك :100:

رح نحكي بعدة أشياء ونناقشها:

***
بعض الاعضاء بفوتو وبسجلو وبعد فتره من النشاط بنلاقيهم غابو :78:
ممكن نحكي بكل صراحه لنشوف وين الخلل؟
ليش بتغيبو؟


***
انت كعضو بتطرح موضوع معين بقسم معين وبالمنتدى أعضاء من شرائح مختلفه في مراهقين وفي اطفال وفي شباب وفي ناس كبيره بالعمر
بتتوقع الردود تكون عمواضيعك كلها بنفس المستوى؟

واذا نزلت موضوع وما رد عليه اي عضو شو موقفك؟
بتزعل او بتاخد موقف وبتبطل تنزل مواضيع مثلا؟

***
كيف بتتعامل مع المواضيع وبتقرر ترد عليها؟
حسب مين منزل الموضوع ولا حسب العنوان ؟
ولا بتاخد بعين الاعتبار انو "سين" من الاعضاء رد عموضوعي برد عمواضيعو؟

ما رح ازيد بالأسئله لأني متأكده لو دخلتو وتناقشنا كلنا رح تتوسع دائرة النقاش وتنطرح اسئله لنوصل لحل مشكلة الخمول المفاجىء يلي بصير

http://files.fatakat.com/smilies2012/smiley-sorry.gif
من شدة رغبتي بتواجدكم خطرلي هالموضوع

أختكو يلي بتفتقد وجودكو كثير:69:
حيرة نبض

مؤمن
12-05-2014, 07:52 AM
.

وعليكم السلام ورحمة الله

موضوع رائع وفي مكانه وإن شاء الله يأخذ حقه من الاهتمام والشفافية

الصحيح ما جاء في الموضوع شعرت فيه كثيراً وأزعجني وكان في بالي

موضوع بعنوان ( لفت نظر ) لأضع فيه كل هذه الأمور والحمد لله

هذا الموضوع يفي بالغرض وسيكون لي فيه مداخلات

قبل الخوض في ذلك يجب أن نعلم ونتذكر أنه قبل التسجيل في المنتدى

يوجد لكل واحد حياته الخاصة وعلاقاته الاجتماعية وثقافة وأفكار ومبادئ

ممكن تنعكس وممكن ما تنعكس

على السلوك في المنتدى كلٌ حسب السبب لتسجليه بالمنتدى

للحديث بقيه .. لكن بداية أحب أن ألفت النظر إلى ما يلي :

أحب من ولكل الأعضاء أن يكونوا مثل المرايا

ترينا مظاهرنا كما هي ودون أيّة مجاملة أو مداهنة

حتى نبصر ونعرف مواطن الجمال و مواطن الخلل

هذا جميل وهذا غير جميل وهذا مقبول وهذا غير مقبول

وكما هو معلوم المرايا لا تكنّ لأحد عداء إذا كشفت عيبه

ولاتكنّ له مودّة إذا أظهرت حسنه

هذا هو حال المرآة السوية الصحيحة السليمة

ولهذا جاء الحديث الشريف يشبّه المؤمن بأ نّه مرآة أخيه المؤمن

أي أنّ المؤمن مسؤول عن نقل الصورة كما هي بلا تحريف ولا زيادة ولا نقصان

فإن رأى ما يسرّه من أخيه قال ذلك بصدق بعيداً عن التملّق والمجاملة

وإن رأى ما يسوؤه منه فلا يتردد أو يسكت أو يكتم ذلك في نفسه

والمرآة كتومة إذا رأت منك ما يشين فإنّها لا تنقل ذلك للقادم الذي يأتي بعدك

لتقول له إنّها رأت في وجهك هذا العيب أو ذاك لأ نّها لا تحبّ الوشاية

والأهم من ذلك

أنّ المرآة بلا ذاكرة فهي لا تدوّن في ذاكرتها الصور القديمة

وإنّما تُظهر لك دائماً ما هو آني ومباشر فإذا سبق لها أن رأت فيك عيباً

ونبّهتك إليه في حينها فإنّها لا تعاود التذكير به ثانية وثالثة لئلاّ تجرح إحساسك

فإذا جئتها لاحقاً

وقد أصلحت من عيبك فإنّها تقوّم شكلك بعد الإصلاح وتنسى منه ما كان قبله

أعتذر على الإطالة

حيرة نبض
12-05-2014, 12:56 PM
السلام عليكم ورحمة الله وبركاته

كلامك سليم مؤمن ونحنا هون بنتعامل مع بعض من ورا شاشه وكيبورد والمرتيه بتعكس سلوك اصيل ما بيخفى من اسلوب التعامل والطروحات
ما رح اتعمق بالنقاش لنشوف آراء البقيه ان شاء الله

ويلي صار من توافق وتوارد الافكار أكبر دليل على إنا عنا أمور مشتركه بنفكر فيها كعيله وحده أهمها هو منتدانا اللي جمعنا

MOON-2222
12-06-2014, 03:11 AM
شكرا كتير إلك غاليتي حيرة ع طرح الموضوع
للأسف الشديد أنا مقصرة كتير بالفترة الأخيرة
عم فوت ع المنتدى ع السريع ومشاركاتي قليلة
بس صدقا الشغلة مووو بإيدي لأنو في ظروف أقوى مني :47:
عم ضل سهرانه للساعة 6 الصبح
المنتدى بيعني لي كتير لأنو اتعرفت فيه على أعضاء بفتخر بمعرفتي فيهم
واستفدت كتير من المنتدى وبتمنى كون أفدت كمان
المنتدى مهم كتير إلنا جميعا لذلك لازم نحافظ عليه
المنتدى مساحة رائعة للتواصل الاجتماعي وتبادل الأفكار والثقافات وتطويرها والفضفضة وطرح مشاكل مجتمعنا وإيجاد حلول إلها
المنتدى واجهة بتعكس ثقافة البلد
عن جد بفرح كتير لما بشوف عضو قديم رجع ع المنتدى
إن شاء يرجعوا كل الأعضاء القدامى ونكسب أعضاء جدد أقلامهم مميزة
والله يقدرني عوض التقصير بالفترة القادمة
لكِ مني أجمل تحية حبيبتي حيرة

حيرة نبض
12-06-2014, 03:37 AM
هلا وغلا فيكي حبيبتي مون
حيشاكي والجميع من التقصير

كلنا بنمر بظروف تبعدنا شوي والأكيد ان ارتباطنا بمنتديات شباب الاردن عميق جدا
نحنا الاعضاء القدامي النا ذكرياتنا وايام عشناها ما بتنسى ابدا
والاعضاء الجدد يلي عرفناهم هون بتربطنا فيهم علاقة الأخوه الصادقه والمحبه بالله
نحنا عم نبني منتدانا مع بعض بتعاونا وبنستفيد من طروحات بعض وبنتسلى وبنضحك سوا
لما يغيب عضو بنسأل عنو وبنقلق وبنقول عسى غيابو خير ان شاء الله

ان شاء الله بتجدد نشاط الجميع وبنرجع نشوف الكل منورين هالبيت الحلو
صباحك وصباح الجطيع ورد وسعاده يا غاليه