مشاهدة النسخة كاملة : سلام يا شمر


ketto.87
02-17-2015, 08:22 AM
لبارحه نامت عيون المحابيس
وانا مع الشباك عيني تخايـــل

امـد شوفي للنجوم المراويــس
واشوفها تعكس سنا نور حايل

واسري على ضيه بصحراء الهواجيس
وادق للخطــــــــــــار نـجــر المثايـــــل

اقرب ادلال الشعر والمحاميس
وبالحروف اشب نــار الجزايـل

احمس واوازنها وزن مرهي الكيس
واصبها صبة عيــــال الحمايـــــــــل

فنجالها يحرم على اللاش والهيس
ماهــو يمـد الا لـذرب الفعايــــــــل

سلام ياشــمر عيــال السناعيــــــــس
يا اهل الوفاء والطيب واهل الجمايل

ياكاسبين المجد كسب النواميــــــس
يا اهل السيوف المرهفات الصقايل

يا اهل الكرم لافاق حــد المقاييس
ومال الزمن وعقال الامجاد مايل

واهل الشجاعه يوم ضرب المتاريس
فرز الوغا مــن غيــر شمـر بدايــــل

ومن غير شمر لا انثنوا للمقابيس
ومن غير شمر عـدلت كـل مايـل

عـدوهم وقـت اللقــا يلعن ابليـــس
ويرضى بما يرضون والشك زايل

لو قستهم بالمجد وشلون باقيس
مجدٍ تسولف بــه تواريخ وايــل

مجدٍ رسى بالارض مرسى التضاريس
وخـذ مـن جبل سنجار عــز الاوايــــل

لو حرف التاريخ بعض المفاليس
ما حرفت الايــام صـدق الدلايـــل

واكبر دليل يجب قول الاباليــس
من غير شمر طاولت كل طايل

تشهد متاحف دار لندن وباريـس
فيها صورهم يوم سوو الهوايل

قلته وانا من يام ركابة العيس
مسطرين المجد فوق الاصايل

والقصد كله يالطنايا السناعيس
ماهو سوى عشقي لروس القبايل


مما راق لي