مشاهدة النسخة كاملة : تدري وش اللي يقتل الحب بسكات


ketto.87
03-03-2015, 09:42 PM
تدري وش اللي يقتل الحب بسكات
لاصرت في بوحك تحس بمذله

وتدري وش اللي يكسر الظهر حزات
لامن عطيت احساس ماهو محله

وتدري متى تستاهل الطعن مرات
لامن خطيت الدرب وانته تدله

لاتتبع المقفي على كل حالات
بعض الوجيه اللي تقابلك عله

ولاتسأل الغالي عن الجرح لافات
نبش الحكي يزود الطين بله

طالع فمن حولك وتاخذ شهادات
مانلتها لو تدرس الدهر كله

ناس(ن) تجر من أسود الضيق ونات
وناس(ن) تقضيها وناسه وفله

هذاك شال هموم غيره ولا بات
وهذاك مايدري عن احساس خله

أحد(ن) يهين أصله على كل زلات
وأحد(ن) ترومه شيمته ما تزله

لاتقول حظي من عنا الوقت قد مات
قل مات حظ اللي عناه أستحله

ولاضاقت الدنيا وعلى الكيف ماجات
اطلق حجاجك ثم توكل على الله

Miss Jordan
03-03-2015, 10:29 PM
#





كلمات جميلة ..
أبدعت بالانتقاء غاليتي ..
بانتظار المزيد دائما ..
ودي ومودتي
.. <3/~

ketto.87
03-09-2015, 11:36 PM
ميسوووو اسعدني انها راقت لك مشكورة على متابعتك يا غالية

لك ودي و احترامي

:87: