مشاهدة النسخة كاملة : إنكسار القلب مايعني ضيـاع


ketto.87
03-22-2015, 11:41 PM
إنكسار القلب مايعني ضيـاع
كلهـا مـدّه وترجـع تجبـره

الهوى قصّه نهايتهـا الـوداع
إعتبرها نهر حـزن ٍ واعبـره

قاوم الدمعه بقدر المستطـاع
وكانها طاحت تحجّج بِشْعَـره

ماعليك من الحكي واللي يذاع
إعتبـر حكـي الأوادم ثرثـره

هذي الدنيـا أكاذيـب وخـداع
الكذب أصبح تحـدّي مقـدره

الملامح مرعبه خلف القنـاع
وكل شخص ٍ له قناع ٍ يستره

إترك العالـم وخـلّ الإتّبـاع
وإترك الماضي وراك وإحقـره

الهوى كانه مهو حدّ النخـاع
لاتحرّى من حصايلـه ثمـره

من يبيع الحب يستاهل يبـاع
ومن يحاول يهجرك انت اهجره

إنكسار القلب مايعني ضيـاع
الضياع إنـك تـرد وتكسـره

حيرة نبض
03-25-2015, 12:22 PM
يا ويل قلبي
:50:

حلوه حبيبتي كيتي
متابعه

غشام المعاني
03-25-2015, 05:27 PM
صدق الشاعر وشكرا على النقل

الملامح مرعبه خلف القنـاع
وكل شخص ٍ له قناع ٍ يستره

عبده حسن
03-25-2015, 09:25 PM
كلام جميل جدا يفوق الروعه
شكرا جزيلا

ketto.87
03-25-2015, 09:50 PM
مشكورين اخواني اسعدني انها راقت لكم انا نقطة في بحر تميزكم و ابداعكم

اسعد الله مساكم